Rabu
Pukul : 13:56:48

Administrator

| More
Aturan dan peraturan HKBP

Aturan dan peraturan

 

Daftar Isi

 

PAMONAI

ATURAN: Ponggol Parjolo HATONTUAN UMUM

PONGGOL PADUAHON: GOAR, INGANAN, DOHOT PARJONGJONGNA

PONGGOL PATOLUHON: OJAKAN

PONGGOL PAOPATHON: PANINDANGION

PONGGOL PALIMAHON: PARSOMBAON TU DEBATA

PONGGOL PAONOMHON: OIKUMENE

PONGGOL PAPITUHON: SANGKAP DOHOT TUJUAN

PONGGOL PAUALUHON: ULAON

PONGGOL PASIAHON: ORGANISASI

PONGGOL PASAMPULUHON: HARUASON

PONGGOL PASAMPULUSADAHON: PARHALADO

PONGGOL PASAMPULUDUAHON: PARARTAON

PONGGOL PASAMPULUTOLUHON: PANUTUP

PARATURAN: PONGGOL PARJOLO HURIA Bindu 1-3

PARATURAN: PONGGOL PARJOLO HURIA Bindu 4

PARATURAN: PONGGOL PARJOLO HURIA Bindu 5

PONGGOL PADUAHON: RESORT

PONGGOL PATOLUHON: DISTRIK

PONGGOL PAOPATHON: HATOPAN Bindu 10-12

PONGGOL PAOPATHON: HATOPAN Bindu 13-15

PONGGOL PAOPATHON: HATOPAN Bindu 16-19

PONGGOL PAOPATHON: HATOPAN Bindu 20-22

PONGGOL PALIMAHON: ANGKA KOMISI DI HKBP

PONGGOL PAONOMHON: TOHONAN DI HKBP

Daftar Isi

 

ATURAN DOHOT PARATURAN HURIA KRISTEN BATAK PROTESTAN (2002)

DAFTAR ISI

BAGIAN PARJOLO: PAMONAI

BAGIAN PADUAHON: ATURAN

Ponggol I: Hatontuan Umum

Ponggol II: Goar, Inganan, dohot Parjongjongna

Ponggol III: Ojakan

Ponggol IV: Panindangion

Ponggol V: Parsombaon tu Debata

Ponggol VI: Oikumene

Ponggol VII: Sangkap Dohot Tujuan

Ponggol VIII: Ulaon

Ponggol IX: Organisasi

Ponggol X: Haruason

Ponggol XI: Parhalado

Ponggol XII: Parartaon

Ponggol XIII: Panutup

BAGIAN PATOLUHON: PERATURAN

Ponggol I : Huria

Ponggol II : Ressort

Ponggol III: Distrik

Ponggol IV : Hatopan

Ponggol V : Angka Komisi di HKBP

Ponggol VI : Tohonan di HKBP

Ponggol VII : Rapot di HKBP

Ponggol VIII : BAGAN ORGANISASI HKBP

PAMONAI

 

Mamungka sian taon 1861, i ma taon hajongjongan ni HKBP, sai maruba do Aturan Paraturan ala parubaan ni angka tingki na niadopan ni huria i di portibi on songon pamatang ni Kristus. Alai nang pe maruba Aturan Paraturan ni huria i, ianggo ojakan ni huria i, i ma Barita na Uli na tarsurat di Buku na Badia i tongtong do hot. Parubaan ni Aturan Peraturan i holan na paampithon dalan do i laho patulushon sitolu ulaon panjouon ni huria di tongatonga ni portibi on, asa boi marparbuehon angka parbue na dumenggan.

Angka parubaan na naeng adopan ni huria di abad pa-21-hon on, manang na ginoar milenium patoluhon tung andul do asing sian angka tingki na salpu. Parhasak ni galumbang informasi dohot globalisasi na lam gogo jala doras mambahen masa angka parubaan na mansai hatop dibagasan parngoluon ni jolma marsadasada, parngoluon parsaripeon, parngoluon marmasyarakat, marbangso, dohot marnegara, jala laos songon i do nang parngoluon parugamoon. Angka parubaan dohot galumbang ni ngolu na masa i do patubuhon parsoalan na maol jala multidimensional, na gabe tantangan siadopan ni huria nuaeng on dohot di tingki na naeng ro. HKBP songon huria na disuru tu tongatonga ni portibi on ingkon mangula do dohot proaktif, aktif, kritis, jala realistis laho mangadopi nasa tantangan na maol i. Mardomu tu pangulaon na hombar tu tantangan i ma porlu adong Aturan Peraturan na imbaru na marbona tu visi, misi, dohot prinsip na togu, i ma na di toru on:

 

Visi

 

HKBP mangerbang gabe huria na inklusif, dialogis, jala ungkap huhut marhatauon jala marhagogoon pahembanghon parngoluon na marmutu dibagasan holong ni Tuhan Jesus Kristus, rap dohot sude halak di bagasan masyarakat global, tarlobi masyarakat kristen, asa gabe hasangapon di Debata Ama pargogo na so hatudosan.

 

Misi

 

Marusaho do HKBP pahinsathon mutu ni sude ruas ni masyarakat, tarlobi ruas ni HKBP, marhite angka panghobasion ni huria na marmutu asa marhagogoon patulushon tona ni Tuhan Jesus di sude panggulmiton ni ngolu ni marsasahalak, marsasaripe, raphon sude halak na di portibi on di tirket lokal dohot nasional, di tirket regional dohot global laho mangadopi abad pa-21-hon.

 

Prinsip

Marsihohot do HKBP maniop angka prinsip na di toru on laho patulushon misi, mangeahi visi na di ginjang i, ima:

a. Gabe pangoloi, ndada asa dioloi (Mrk.10:45)

b. Gabe sira dohot panondang( Mat.5:1 3-14)

c. Marsitutu pajongionghon hatigoran, hadameon, dohot hasadaon ni na tinompa (Mrk.16: 15; Luk. 4: 18- l9).

ATURAN: Ponggol Parjolo HATONTUAN UMUM

 

Bindu 1: Pangonaan ni Hata

Aturan i ma angka buhu ni hatontuan na mendasar di HKBP.

Paraturan i ma angka hatontuan na dipahembang sian Aturan HKBP.

Aturan dohot Paraturan HKBP na dipajempek gabe AP-HKBP, i ma angka buhu ni hatontuan na mendasar dohot angka hatontuan naung dipahembang di HKBP.

Huria i ma parsaoran ni manang piga ruas ni HKBP di sada inganan na tontu, niuluhon ni uluan ni huria marsadasada.

Rapot Huria i ma rapot partimbo di tirket huria na mambahen haputusan laho patulushon sitolu ulaon panjouon ni huria dohot mangulahon haputusan ni sinode Godang, Majelis Pekerja Sinode, Sinode Distrik dohot Rapot Ressort hombar tu haporluan ni huria.

Parhalado i ma ruas ni huria na tarjou jala tarpillit mamelehon diri laho mnnghobasi ulaon ditongatonga ni huria.

Sitolu ulaon panjouon ni huria i ma parsaoran, panindangion, dohot parasirohaon.

Uluannihuria i ma na manguluhon huria marsadasada.

Dewan Koinonia i ma organ panghobasi di tirket huria na mamingkiri dohot patupahon panghobasion na padasiphon parsaoran na saroha, na sapingkiran, dohot na sapanghilalaan na manghamham seksi sikola minggu, seksi remaja, seksi naposobulung, seksi parompuan, dohot seksi ama.

Dewan Marturia i ma organ panghobasi di tirket huria na mamingkiri dohot patupahon ulaon marbarita na uli di tongatonga ni huria dohot masyarakat, na manghamham seksi sending dohot seksi musik.

Dewan Diakonia i ma organ panghobasi di tirket huria na mamingkiri dohot patupahon ulaon asi ni roha, pahinsathon parbinotoan dohot hahipason, songon i nang patupahon panghataion dohot pamaoran tu masyarakat na humaliang dohot tu pamarenta, na manghamham seksi diakoni sosial, seksi pendidikan, seksi kesehatan, dohot seksi kemasyarakatan.

Seksi i ma unit panghobasi di toru ni dewan di tirket huria.

Resort i ma hadomuan ni huria marsadasada laho padasiphon dohot pahembanghon parsaoran, panindangion, panghobasion di tongatonga ni angka huria.

Rapot Resort i ma rapot partimbo di tirket resort na mambahen haputusan laho mangulahon na tinontuhon ni Sinode Godang, Majelis Pekerja Sinode, dohot sinode distrik.

Pandita Resort i ma na manguluhon huria sabungan huhut mangkordinasi dohot manjamothon angka ulaon panghobasion di sude huria na masuk tu resort i.

Distrik i ma hadomuan ni manang piga resort laho padasiphon dohot pahembanghon parsaoran, panindangion dohot panghobasion di tongatonga ni distrik i.

Sinode Distrik i ma rapot partimbo di tirket distrik na mambahen haputusan laho mangulahon na tinontuhon ni Sinode Godang dohot Majelis Pekerja Sinode hombar tu haporluan ni distrik.

Praeses i ma uluan ni distrik rap dohot angka kepala bidang.

Majelis Pekerja Sinode Distrik i ma rapot na manghobasi distrik laho patulushon haputusan ni Sinode Godang, Majelis Pekerja Sinode dohot sinode distrik rap dohot praeses dohot angka kepala bidang.

Bidang i ma organ na manguluhon panghobasion pasauthon sitolu ulaon panjouon ni huria di tirket distrik. Pangadonghonon ni bidang dohot uluanna dipahombar ma tu haporluan dohot haboion ni distrik i. Angka bidang na adong i ma: bidang koinonia, bidang marturia dohot bidang diakonia.

Sinode Godang ima rapot hatopan partimbo di HKBP na manotophon nasa hatontuan bona na mardomu tu sitolu ulaon panjouon ni huria.

Majelis Pekerja Sinode i ma rapot na mangula laho mamingkiri dalan pasauthon haputusan ni Sinode Godang marhite Uluan HKBP na niuluhon ni Ephorus.

Uluan HKBP i ma sada tim na niuluhon ni Ephorus na marruashon Sekretaris Jenderal, Kepala Departemen Koinonia, Kepala Departemen Marturia, dohot Kepala Departemen Diakonia.

Ephorus i ma uluan ni sandok HKBP, na laos uluan ni Uluan HKBP.

Sekretaris Jenderal i ma sahalak ruas ni Uluan HKBP na manguluhon panghobasion hatopan di bidang administrasi umum dohot keuangan.

Departemen Koinonia i ma organ hatopan na manghobasi sude ulaon na mardomu tu parsaoran di sandok HKBP, na niuluhon ni Kepala Departemen Koinonia.

Departemen Marturia i ma organ hatopan na manghobasi sude ulaon na mardomu tu panindangion di sandok HKBP, na niuluhon ni Kepala Departemen Marturia.

Departemen Diakonia i ma organ hatopan na manghobasi sude ulaon na mardomu tu diakoni.di sandok HKBP, na niuluhon ni Kepala Departemen Diakonia.

Badan Audit HKBP i ma organ na mamareso dohot mangevaluasi parhepengon, parartaon dohot pardalan ni sude rencana kerja ni sude organ dohot unit panghobasi di HKBP.

Badan Penelitian dan Pengembangan HKBP i ma organ na patupahon penelitian na mardomu tu parngoluon ni huria dohot masyarakat laho pahembanghon dohot padasiphon panghobasion ni huria.

Badan usaha HKBP i ma organ na mangusahahon sumber dana na porlu pangkeon ni HKBP laho patulushon panghobasionna.

Biro i ma organ panghobasi di toru ni Sekretariat Jenderal manang departemen.

Badan Penyelenggara Pendidikan HKBP i ma organ na manjalo mandat na gok sian Rapot Uluan HKBP manghobasi sude pendidikan di HKBP di bagasan sada sistem na marorientasi mutu.

Yayasan i ma organ sosial na pinajongjong ni HKBP manang angka ruas ni HKBP marojakan tu Aturan Paraturan HKBP dohot paraturan ni pamarenta di tirket Hatopan, distrik, resort manang huria.

Komisi i ma orgah na dipajongjong hombar tu haporluan ni HKBP di tirket Hatopan, distrik, resort, manang huria.

Mutu i ma haumbuhon ni panghobasion dohot na hinaporluhon ni huria marojahan tu lomo ni roha ni Debata na manghamham partondion, panghilalaan, parbinotoan dohot pamatang.

PONGGOL PADUAHON: GOAR, INGANAN, DOHOT PARJONGJONGNA

 

Bindu 2: Goar, Inganan, dohot Parjongiongna

Goar i ma Huria Kristen Batak Protestan na pinajempek gabe HKBP.

Huria Kristen Batak Protestan i ma pardomuan ni halak Kristen sian sude marga dohot houm ni bangso Indonesia, dohot nasa bangso di sandok portibi on na tardidi tu bagasan goar ni Debata Ama, Anak dohot Tondi Parbadia. Sada hapataran ni pamatang ni Kristus do HKBP, na manghamham na porsea na marpanindangion di sandok portibi on.

Na jongjong do HKBP di Indonesia on dohot di sandok portibi on iala markantor pusat di Pearaja Tarutung.

HKBP ojak 7 Oktober 1861, na jongjong sian hadirionna marhitehite pangulaon ni Tondi Porbadia. Laos diokui Pamarenta do HKBP marhite bisolot No.48 tanggal 11 Juni l931 na tarsurat di Staatsblad taon 1932 No.360 dohot haputusan ni Direktur Jenderal Bimas Kristen Protestan Departemen Agama No.33 tahun 1988 tanggal 6 Februari 1988.

PONGGOL PATOLUHON: OJAKAN

 

Bindu 3: Ojakan

Ojakan ni HKBP i ma Jesus Kristus, na hinatindanghon ni Buku na Badia, i ma Padan na Robi dohot Padan na Imbaru, mual ni hasintongan dohot hangoluan.

PONGGOL PAOPATHON: PANINDANGION

 

Bindu 4: Panindangion

Ia Panindangion Haporseaon ni HKBP i ma udut ni angka panindangion haporseaon naung adong hian, isara Apostolicum, Niceanum, Athanasianum. Marhite parjamitaon, panindangion, surat tongosan, ende huria, tangiang, liturgi dohot buku parsiajaran, tangkas do tarida tongtong pangokuan na Kristus do Ulu ni huria i jala Tuhan ni angka tuan. Dibagasan pangoloion di hata ni Debata na gabe.mual ni parjamitaon dohot haporseaon, marpanindangion do huria i di angka rapot huria, di pangulaonna, di ngoluna siganup ari siala hapataran ni Debata Sitolusada, i ma Debata Ama, Anak dohot Tondi Parbadia. Nasa rapot ni huria, tohonan, parmahanion dohot panghobasion di huria nang Aturan ni Huria marondolan tu Panindangion Haporseaon ni Huria do.

PONGGOL PALIMAHON: PARSOMBAON TU DEBATA

 

Bindu 5: Ulaon dohot Hatiha ni HKBP Marsomba tu Debata

1.Parmingguon

Dipatupa huria do parmingguon ganup ari Minggu di gareja dohot di inganan na tontu di huria na so adong dope garejana, dohot di inganan ni ruas na tongon marsitaonon ala marujung ngolu manang di sada ulaon na ingkon diantoi huria. Hata ni Debata naung diaturhon di Almanak HKBP do sijamitahononhon disi, jala Agenda HKBP do sipangkeon, songon i nang ende na di Buku Ende HKBP dohot buku ende na niongkuan ni HKBP dohot angka ende na hombar tu Konfessi HKBP do siendehonon.

2.Partangiangan

Dipatupa huria do partangiangan keluarga, lunggu, kelompok, kategorial manang domu tu ringkot na di gareja, di bagas, manang di inganan na asing na tinontuhon ni huria.

3.Punguari Parheheon Partondion

Na boi do patupaon ni huria punguan parheheon partondion na nidohotan ni ruas i ni huria dohot masyarakat di inganan na tinontuhon ni huria.

4.Sakramen

Siradotan ni huria do sakramen na pinatikhon ni Tuhan Jesus i ma pandidion pandidion na badia dohot parpadanan na badia.

4.1 Pandidion na Badia

Pamasaon ni huria do pandidion na badia tu angka posoposo dohot tu angka na magodang na so tardidi hian dope andorang posoposo hombar tu parturena di Agenda HKBP.

4.2 Parpadanan na Badia

Pamasaon ni huria do parpadanan na badia di gareja manang di ruar ni gareja hombar tu parturena di Agenda HKBP.

4.3. Na mangulahon Sakramen

Pandita do na patupahon ulaon sakramen, jala holan mangurupi marhobas do angka partohonan na asing, alai patupahon pandidion na hinipu saboiboina sintua, molo so i sahalak ruas ni huria na ringgas marminggu manang natoras ni posoposo i.

5.Pangajarion di Hata ni Debata

Dipatupa huria do pangajarion di hata ni Debata tu sude ruas ni huria : dakdanak, remaja, naposobulung dohot natuatua asa lam ganda pangantusion, panghangoluhonon dohot pangulahonon di hata ni Debata na tau pahothon nasida di ngolu hakristenon i.

6.Manghatindangkon Haporseaon

Dipatupa huria do parguruan tu angka na naeng manghatindangkon haporseaon. Pandita do na manangkasi hatauonnasida niadopan ni parhalado partohonan dohot natorasna be di na laho paujunghon parguruon i. Diadopan ni huria i do nasida jongjong manghatindanghon haporseaon di tingki parmingguon mangihuthon parturena songon na di Agenda HKBP.

7.Parbagason

Sipasupasuon ni huria do angka na naeng marbagas di tongatonga ni huria mangihuthon parturena songon na di Agenda HKBP, dung jolo adong panangkasion ni parhalado partohonan.

8.Angka Pesta di Huria

Angka on ma pesta huria na songon parningotan :

8.1 Pesta parjolo dohot paduahon hatutubu ni Tuhan Jesus.

8.2 Pesta parningotan di ari hamamate ni Tuhan Jesus.

8.3 Pesta parjolo dohot paduahon haheheon ni Tuhan Jesus.

8.4 Pesta parningotan hananaek ni Tuhan Jesus.

8.5 Pesta parjolo dohot paduahon haroro ni Tondi Parbadia.

8.6 Angkup ni i, adong do parpunguan ni huria di tingki parningotan di Reformasi, di bona dohot di ujung ni taon, songon i nang di angka tingki na ringkot.

 

Bindu 6: Hajuarabagason

Sipatupaon dohot siluluan ni huria do angka dalan parohon hepeng dohot arta sipangkeon manghobasi huria i dohot pahembanghon parngoluon ni ruas, parhalado, kesejahteraan ni angka na pension di HKBP dohot masyarakat marhite: papungu pelean di parmingguan dohot di angka partangiangan na pinatupa ni huria, guguan, sumbangan, hibah dohot angka usaho ni Badan Usaha HKBP, yayasan, koperasi, dohot angka rumang na asing na so maralo tu hata ni Debata.

PONGGOL PAONOMHON: OIKUMENE

 

Bindu 7: Hasadaon ni HKBP dohot Halak Kristen

Parsidohot do HKBP papatarhon hasadaon ni angka huria sisada haporseaon dohot HKBP nang dohot sude halak Kristen di portibi on hombar tu tangiang ni Tuhan Jesus: “Asa sada nasida saluhutna, songon Ho ale Amang di bagasan Ahu, jala Ahu di bagasan Ho, songon i ma nang nasida di bagasan Hita, asa porsea portibi on, Ho marsuru Ahu” (Joh. 17:21).

Suang songon i nang poda ni Apostel Paulus na mandok : “Sada do Tuhan, sada do haporseaon, sada do nang pandidion. Sada do Debata, Ama ni sasude. Sigomgomi saluhut, sitorusi saluhut jala siingani saluhut.” (Ep. 4:5-6)

PONGGOL PAPITUHON: SANGKAP DOHOT TUJUAN

 

Bindu 8: Sangkap dohot Tujuan ni HKBP

Mamaritahon dohot manghangoluhon hata ni Debata.

Mangaramoti hapolinon di pamaritahonon dohot pamodahonon di hata ni Debata.

Paturehon dirina asa gabe hasangapon di goar ni Debata Ama, Anak dohot Tondi Porbadia.

Pahothon dohot patoguhon pardalan dohot parjongjong ni HKBP

PONGGOL PAUALUHON: ULAON

 

Bindu 9: Ulaon ni HKBP

Ulaon ni HKBP i ma pahembanghon Harajaon ni Debata marhitehite ulaon parsaoran, panindangion, dohot parasirohaon.

PONGGOL PASIAHON: ORGANISASI

 

Bindu 10: Huria, Resort, Distrik, Hatopan

Huria i ma punguan ni manang piga halak na porsea, naung tardidi, jala rade pasauthon Harajaon ni Debata dohot na manghangoluon haluaon na sian Jesus Kristus.

Huria na marhasadaon di resort, resort na marhasadaon di distrik, jala distrik marhasadaon di hatopan ni HKBP.

 

Bindu 11: Organ Panghobasi

Laho patulushon ulaon panghobasion di HKBP dipatupa do angka organ panghobasi, i ma Sekretariat Jenderal, Departemen, Pusat Penelitian dan Pengembangan HKBP, Badan Audit, Badan Usaha HKBP, Badan Penyelenggara Pendidikan HKBP, Yayasan, Bendahara Hatopan, Biro dohot angka Unit na ditoru na dohot Komisi.

PONGGOL PASAMPULUHON: HARUASON

 

Bindu 12: Ruas ni HKBP

Ia ruas ni HKBP i ma halak naung tardidi tu bagasan goar ni Debata Ama, Anak, dohot Tondi Parbadia.

Sude ruas ni HKBP ingkon umboto jala manghangoluhon hata ni Debata marhite na ringgas marsiajar di tonga ni bagasna, di parguruan na pinatupa ni HKBP dohot parguruan na asing na so maralo tu poda ni HKBP, manghatindanghon haporseaon, manghangoluhon Panindangion Haporseaon ni HKBP, unduk tu Aturan dohot Paraturan dohot Ruhut Parmahanion dohot Paminsangon ni HKBP.

Horong ni ruas ni huria hombar tu umur i ma dakdanak, remaja, naposobulung dohot natuatua.

 

Bindu 13: Hak ni Ruas

Na marhak do ganup ruas ni huria taruli di ulaon: pandidion na badia, manghatindangkon haporseaon, ulaon na badia, pamasumasuon pardongansaripeon, jala manjalo parmahanion; pangapulion tu na marsahit, na marsitaonon, panogunoguon keluarga siala na hona uhum negara dohot na hona Ruhut Parmahanion Paminsangon; tangiang pangondianon dohot ragam ni pasupasu marhitehite panghobasion di huria.

 

Bindu 14: Kewajiban ni Ruas

Kewajiban ni ruas ni huria do manarihon nasa na ringkot di huria marhite na mamelehon diri hombar tu talenta na nilehon ni Debata dohot pasahathon ragam ni pelean sian las dohot ias ni roha.

 

Bindu 15: Hadoson ni Hak dohot Kewajiban ni Ruas Baoa dohot Ruas Parompuan

Dos do hak dohot kewajiban ni parompuan dohot baoa di HKBP, laos songon i do nang di haruason di angka organ panghobasi.

 

Bindu 16: Mansohot sian haruason

Mansohot do ruas ni HKBP sian haruason molo ndang olo be unduk tu Konfessi, Aturan dohot Paraturan, Ruhut Parmahanion Paminsangon HKBP, songon i molo dung monding.

PONGGOL PASAMPULUSADAHON: PARHALADO

 

Bindu 17: Parhalado

1.Laho pasauthon ulaon panindangion, parsaoran dohot panghobasion ala ni Kristus dipabangkit do parhalado, na jinou ni Debata marhite huria i jala na olo mamelehon dirina huhut na unduk tu Konfessi, Ruhut Parmahanion Paminsangon dohot Aturan Paraturan HKBP.

2.Parhalado, i ma :

Parhalado partohonan i ma angka partohonan na pinabangkit ni HKBP marhite Agenda HKBP dohot na pinabangkit ni huria na niongkuan ni HKBP.

Parhalado na so partohonan i ma ruas ni huria na olo mamelehon dirina hombar tu silehonlehon na pinasahat ni Debata tu ibana.

Tarbagi do parhalado hombar tu haboion ni tingkina, i ma parhalado na gok tingki, na so gok tingki, dohot na sukarela.

 

Bindu 18: Na Manguluhon HKBP

Uluan ni Huria do na manguluhon huria pagaran marsadasada, jala pandita resort do manguluhon huria sabungan.

Pandita resort do na manguluhon resort.

Praeses rap dohot kepala bidang do na manguluhon distrik.

Ephorus rap dohot Sekretaris Jenderal dohot kepala departemen do na manguluhon sandok HKBP.

PONGGOL PASAMPULUDUAHON: PARARTAON

 

Bindu 19: Parnampunaon

HKBP hatopan do nampuna sude arta na adong di HKBP, na langsung manang na so langsung niramotan ni Kantor Pusat, i ma : na adong di Sekretariat Jenderal, departemen, lembaga, Badan Penyelenggara Pendidikan, Badan Usaha HKBP, yayasan, songon i nang na adong di huria marsadasada, ressort,distrik.

 

Bindu 20: Rumang ni Arta

Ia arta ni Huria i ma nasa arta na marrumang hepeng, surat na mararga dohot barang na boi morot dohot na so boi morot di sandok HKBP.

 

Bindu 21: Pangaramotion

Pangaramotion di arta ni Huria i dipasahat do tu angka huria marsadasada, resort, distrik, lembaga, Badan Penyelenggara Pendidikan, Badan Usaha HKBP, yayasan, departemen, dohot Sekretariat Jenderal.

Di ginjang ni pangaramotion na di ayat 1, adong pangaramotion hatopan marhite Badan Audit HKBP.

PONGGOL PASAMPULUTOLUHON: PANUTUP

 

Bindu 22: Hasadaon ni Aturan dohot Paraturan

Nasa hatontuon na adong di Aturan on sipatorangon jala sipahembangon do marhite angka hatorangan na umbuk di bagasan Paraturan, ala ni i na sada do Pamonai, Aturan, dohot Paraturan laho patotahon ulaon ni HKBP.

PARATURAN: PONGGOL PARJOLO HURIA Bindu 1-3

 

BINDU 1: Huria

1.Pangantusion

Huria marsadasada ima parsaoran ni manang piga ruas ni HKBP di sada inganan na tontu, niuluhon ni uluan ni huria marsadasada.

2.Huria na mamungka

Di inganan naso adong do pe HKBP na boi do pajongjongon disi HKBP molo adong manang piga ruas ni HKBP di inganan i.

Syarat ni huria na mamungka:

2.1.Adong surat pangidoan tu huria na jumonok, manang ringkot mangihuthon panimbangion ni parhalado partohonan.

2.2.Adong inganan parmingguan

2.3.Adong parhalado

2.4.Adong tangkas na mangulahonsa hombar tu Aturan Peraturan HKBP

2.5.Adong surat pengokuan unduk tu Aturan Peraturan HKBP na tinandatanganan ni sude ruas naung manghatindanghon haporseaon.

2.6.Saleleng so digohi syarat na di ginjang I, rajuman ma I songon sada parmingguon.

2.7.Dung digohi syarat na di ginjang I, praeses ma mangaresmihon gabe huria tinolopan ni Uluan HKBP

3.Huria na manjae

Huria na manjae ima huria na imbaru pinajongjong ni manang na piga ruas di inganan na tontu, pinajae ni huria haborhatanna dung manggohi angka syarat na di toru on:

3.1.Adong alas an na tangkas pajongjong huria i.

3.2.Adong na umotikna 25 ripe manang 50 halak ruas naung manghatindanghon haporseaon

3.3.Adong parhalado na tau manghobasi dohot manguluhon huria i.

3.4.Adong bagas parpunguan manang gaeja sipangkeon ni ruas ni huria I tu angka parpunguan huria.

3.5.Adong surat pangokuan unduk tu Aturan Peraturan HKBP na tinandatanganan ni sude ruas naung manghatindanghon haporseaon.

3.6.Adong panolopion sian huria haborhatanna marhite rapot parhalado partohononan tinolopan ni pandita resort.

3.7.Dung digohi syarat na di ginjang I, praeses ma mangaresmihonsa na tinolopan ni Uluan HKBP.

4.Huria na di Luar Negeri

4.1.Na boi do angka ruas ni HKBP na adong di luar negeri masuk gabe ruas ni huria na sahaporseaon dohot HKBP. Alai molo mulak nasida tu inganan na adong disi HKBP, sumuang ma nasida gabe ruas ni HKBP.

4.2.Na boi do angka ruas ni HKBP na adong di luar negeri pajongjong huria hombar tu parpaeak ni ingananna. Uluan HKBP do manontuhon hadomuan ni huria tu resort dohot distrik.

4.3.Na boi do huria HKBP na di luar negeri masuk tu parsadaan ni huria na sahaporseaon dohot HKBP.

 

Bindu 2: Haruason, Hak dohot Kewajiban ni Ruas

 

1. Ia ruas ni HKBP I ma :

1.1. Halak naung tardidi jala halak naung manghangoluhon pangoloion tu Debata Ama, Anak, dohot Tondi Parbadia.

1.2. Na unduk tu Konfessi, Aturan Peraturan, Ruhut Parmahanion Paminsangon HKBP dohot angka ruhut hakristenon di HKBP

1.3. Na tarsurat goarna di buku ripe manang buku ruas ni huria i.

 

2. Hak ni Ruas

2.1. Taruli di hata ni Debata, asa manghirim di bagabagaNa di bagasan haporseaon, marhite parmingguon dohot na manjalo parpadanon na badia.

2.2. Mangido dohot manjalo pandidion na badia tu angka dakdanakna, panogunoguon di bagasan hakristenon, manghatindanghon haporseaon, pamasumasuon parbagason dohot hangoluan sogot di ujung ni ngolu sian portibi on.

2.3. Partohap di nasa parsaulian sian huria.

 

3. Kewajiban ni Ruas

3.1. Gabe sitindangi ni Kristus di tongatonga ni parsaoran hatopan marhite angka silehonlehon na adong di dirina be.

3.2. Mandohoti ulaon panghobasion di huria.

3.3. Mamangke dohot mangalehon gogo, pingkiran dohot sinondanganna tu ulaon huria sian las ni roha

 

4. Mansohot sian Haruason

Mansohot do sahalak sian haruason ni huria molo:

4.1. Pinda tu Huria na so HKBP

4.2. Laho tu ugamo na asing

4.3. Naung di pabali sian huria mangihuthon ruhut parmahanion paminsangon

4.4. Monding

 

Bindu 3: Sihobasan ni Huria

Pahembanghon dohot pahinsathon ngolu partindion dohot pardagingon di ruas

Pabanghithon angka parhalado.

Pasauthon Konfessi, ruhut parmahanion paminsangon HKBP, aturan peraturan HKBP dohot haputuson ni rapot di HKBP

Paborhatohon utusan tu angka ulaon di HKBP

paradehon partapakan dohot bangunan gereja dohot bangunan na asing dohot nasa na ringkot di huria.

Manarihon na ringkot tu resort, distrik dohot hatopan.

Pahembanghon dohot pahinsathon parsaoran na denggan dohot dongan sahaporseaon dohot masyarakat dohot lingkungan na humaliangsa.

Manghobasi ulaon huria marhite angka parhalado.

PARATURAN: PONGGOL PARJOLO HURIA Bindu 4

 

Bindu 4: Parhalado di Huria

1. Pangantusion

Parhalado ima ruas ni huria na tarjou jala tarpillit mamelehon diri laho manghobasi ulaon di tongtonga ni huria.

2. Ragamna

Parhalado partohonan I ma pandita, guru huria, bibelvrouw, diakones, evangelis dohot sintua.

Parhalado na so partohonan I ma angka pangurus ni badan, yayasan, dewan, seksi, guru sikola minggu, dirigent koor, panitia.

Parhalado nag ok tingki I ma angka parhalado na mamelehon sude tingkina dohot gogona mangula di huria, jala na manjalo balanjo nag ok sian huria i.

Parhalado na so gok tingki I ma angka parhalado na mamelehon dirina mangula di huria Imarhite na pababirhon tingkina dohot gogona, jala ndang manjalo balanjo sian huria i.

Parhalado na sukarela I ma, angka na mamelehon dirina mangula di huria hombar tu tingkina dohot gogona secara sukarela, jala ndang manjalo balanjo sian huria.

 

3.Uluan ni Huria

Pandita resort di uluan ni huria sabungan, uluan ni huria do na mangulahon huria pagaran marsadasada.

Ulaon ni uluan ni huria.

a.Manguluhon huria marsadasada, sumangkapi dohot pasauthon angka ulaon panghobasion hombar tu sitolu panjouon ni huria.

b.Mangoluhon parhalado nag ok tingki hombar tu parsagi ni ulaonna be.

c.Manguluhon rapot ni huria, rapot parhalado, rapot parhalado partohonan dohot rapot pamilliton ni angka pangurus ni dewan, seksi dohot panitia pembangunan.

d.Patulushon na pinutushon ni Sinode Godang, Majelis Pekerja Sinode, sinode distrik, majelis pekerja sinode distrik, rapot resort, rapot pa

Berita Terkait

Komentar (44)

Ocella Lawsuit
03 Oktober 2013 - 21:43:04 WIB

Nice article juragan, besok update lagi ya :D

Free Job Posting Sites
04 Oktober 2013 - 08:45:56 WIB

Sangat memberi inspirasi dan informasi yang terbaru, sukses dan jaya selalu.

Prozac Lawsuit
06 Oktober 2013 - 09:52:01 WIB

Selamat bekerja, semoga semakin menarik dan tambah berkembang maju.

Hostgator Coupon 2013
08 Oktober 2013 - 21:49:17 WIB

Sebagai bangsa Indonesia yang baik, mari kita bersatu membangun negara kita.

purehealthgreencoffeebean.org
02 November 2013 - 15:06:00 WIB

ulasan ulasan informasi yang berwawasan luas, banyak manfaatnya..

In Need of A Girlfriend
06 November 2013 - 10:09:45 WIB

selalu posting yg terbaik yah gan terimakasih ..

Clash of Clans Evil Hack
12 November 2013 - 10:40:44 WIB

terus selalu semangat dalam bekerja dan berkarya, moga sukses selalu..

cressydoor.com
15 November 2013 - 21:56:28 WIB

Kita ingin selalu mendapat informasi yang terbaru disini.

Property Management Seattle
21 November 2013 - 11:42:59 WIB

tempat yang pas untuk mencari sumber informasi.

Pest Control Boca Raton
04 Desember 2013 - 10:21:48 WIB

Horas , salam sukses untuk semua, good luck.

Granuflo Recall FDA
05 Desember 2013 - 11:14:14 WIB

Belajar memang melelahkan, namun akan lebih melelahkan lagi bila saat ini Kamu tidak belajar..

UK Pension Review
09 Desember 2013 - 12:04:47 WIB

Ijinkan kami turut menyapa semua pengunjung tercinta.

Seattle Door Repair
27 Desember 2013 - 20:36:09 WIB

Terus melangkah menggapai cita-cita.

Free Job Posting Sites
08 Januari 2014 - 06:34:01 WIB

Informasi aktual dan obyektif harus di junjung tinggi.
http://goo.gl/uXfFAJ # http://goo.gl/609tyP

Pure Garcinia Cambogia Extract
10 Januari 2014 - 10:07:42 WIB

Perjuangan dengan tujuan dan cara yang benar.

Lipitor Side Effects
11 Januari 2014 - 10:23:58 WIB

Yuk lebih selektif dalam memilih calon pemimpin!

Side Effects of Pradaxa
13 Januari 2014 - 11:27:10 WIB

Suasana jelang pemilu, banyak yang cari keuntungan.

Palm Springs Mobile Massage
15 Januari 2014 - 12:20:48 WIB

Dengan semangat, terus bekerja keras.

Tulsa Dentist Specialist
16 Januari 2014 - 10:14:37 WIB

Kita bantu saudara kita yang terkena musibah.

Rap Beats
22 Januari 2014 - 08:01:21 WIB

Super dan sangat berguna bagi semua.

Lipitor Lawsuit
31 Januari 2014 - 08:08:00 WIB

Sampaikan suara rakyat apa yang di inginkan http://goo.gl/k0JmFX

Yaz Birth Control
31 Januari 2014 - 10:03:12 WIB

Terimakasih banyak atas infonya pa admin. Terus berkarnya dengan webnya ya..

How To File For Disability
05 Februari 2014 - 07:35:09 WIB

Sudahkah anda memiliki pilihan partai ?

How To Treat Yeast Infection
08 Februari 2014 - 14:25:07 WIB

Semua informasinya berdasarkan fakta bukan sekedar gosip belaka..

Los Angeles Marriage License Provider
12 Februari 2014 - 10:49:30 WIB

bingung mau ngapain, kerjaan gak kelar2, mending browsing sini dulu ahhh.. siapa tahu dapat ilmu baru ..

Saffron Benefits
15 Februari 2014 - 09:57:08 WIB

Sahabat kita semua.

Hutchinson Chiropractic
25 Februari 2014 - 16:01:23 WIB

Senang berjumpa dengan anda.

Breast Actives Ingredients
27 Februari 2014 - 10:12:27 WIB

Menjadi sumber informasi yang bagus. http://goo.gl/hH1wy # http://goo.gl/0WgtpZ

Side Effects of Ocella
01 Maret 2014 - 23:26:00 WIB

Semakin menarik, banyak hal yang bisa kita pelajari.

Palm Springs UPS
06 Maret 2014 - 10:09:07 WIB

Selamat bekerja dan menjalankan tugas.

Particular Craigslist Cities
16 Maret 2014 - 11:56:02 WIB

Semangat kampanye damai.

Marriage License LA
16 Maret 2014 - 14:07:31 WIB

actions speak louder than words.

kata bijak mario teguh
20 Maret 2014 - 21:14:51 WIB

terus selalu semangat dan mencari informasi terbarunya.jangan pernah menyerah dan maju teruss
http://cinta009.blogspot.com/

kata kata bijak mario teguh
20 Maret 2014 - 21:17:13 WIB

salut saya dengan website ini.infonya informatif sekali dan sangat ajib dah pokonya mah.sukses terus yah..
http://cinta009.blogspot.com/

Home Remedies For Hemorrhoids
21 Maret 2014 - 20:51:34 WIB

hadir lagi mas bro,,lewat kolom komentar ini ane ucapin banyak banyak terima kasih pada mas bro admin..

Garage Door Repair Bellevue WA
22 Maret 2014 - 15:34:00 WIB

web ini menurut saya sangatlah bermanfaat..

Real Estate Rancho Santa Fe
26 Maret 2014 - 11:11:08 WIB

Suara anda sangat penting di pemilu nanti.

Buy Cheap Clothes Online
27 Maret 2014 - 07:17:57 WIB

Thank you for providing this information is very interesting ..

Life Insurance Quotes
02 April 2014 - 09:29:26 WIB

Penting untuk kita pelajari semua info anda.

Yaz Lawsuit Information
12 April 2014 - 10:32:22 WIB

Mencari ilmu dan terus belajar dengan yang lebih kompeten.

Botox Orange County
16 April 2014 - 03:36:56 WIB

Exprsikan aksimu..!!

obat kelenjar getah bening
16 April 2014 - 15:52:04 WIB

nice share nih gan,, http://mysp.ac/IDOq

Corporate Video Production
17 April 2014 - 09:59:24 WIB

Membaca info anda, sangat membantu saya.

Lawyer Tacoma
18 April 2014 - 15:24:15 WIB

met weekend untuk semua..

    Isi Komentar

    • Name:
    • Website:
    • Messege:

    • (Masukkan 6 kode diatas)

Kata-kata Bijak

  • HKBP Pontianak, Mencari karyawan Minimal D3 .. Info Selanjutnya hub .. Kantor gereja.
  • Karena masa depan sungguh ada, dan harapanmu tidak akan hilang. Hai anakku, dengarkanlah, dan jadilah bijak, tujukanlah hatimu ke jalan yang benar. (Amsal 23:18-19)
  • Ia yang bijak akan merasamalu, jika kata-katanya lebihbaik daripada tindakannya.(Kung Fu-Tze)
  • memiliki tekad adalahpermulaan. tanpanya,apapun yang anda lakukanakan gagal .
  • Marilah kepada-Ku, semua yang letih lesu dan berbeban berat, Aku akan memberi kelegaan kepadamu - Matius 11 : 28
  • Doa adalah dinding yang kokoh dan benteng gereja; ia merupakan senjata Kristen yang ampuh. - Martin Luther
  • Anda hanya dekat dengan mereka yang anda sukai. Dan seringkali anda menghidari orang yang tidak anda sukai, padahal dari dialah anda akan mengenal sudut pandang yang baru.
  • Tidak ada kasih yang lebih besar selain kasih yang bertahan ketika tampaknya tidak ada yang perlu dipertahankan
  • Mengampuni adalah mengasihi walaupun tidak ada alasan untuk melakukannya
  • Jika ingin benar-benar mencintai, belajarlah untuk memaafkan - Mother Teresa
  • “In this mirror you will see the image of the most beautiful woman in the world.”
  • To be love and tobe love by you.. I don't need consideration. No matter what challenges might carry
  • There are things that I need to Consider in my life. But, one thing ... and I do sure about.
  • There are things that I need to Consider in my life.
  • Asli Rumah Ku banjir, dan membuat buku-buku referensi skripsi ku jadi bubur.
  • Akan dilaksanakan Pernikahan antara Chantoni Situmorang dengan Bocah Parmahan pada hari Sabtu tgl.
  • Mudah-mudahan bulan ini udah bisa aku hosting
  • Belajar Jquery sambil ngopy dan merokok dulu ah.
  • eeeeeee

Indeks Berita

Polling

Facebook

Link Banner

Previous
Next